Txhob ntseeg txiv neej lub ncauj lo lus
Tsawg zag los hlub tsawg hnub los nco
Hlub nrog txiv neej ces yeej yuav mob
Tsim cev tsim txom mus txog hnub kawg

Txiv neej txhua leeg ces zoo ib yam
Lub ncauj qab zib mloog tau txaus ntshai
Ntuj nphau teb ntxeev los yeej yuav nta
Thaum tau saj tag tsis nco li lawm

Tsis yog txhua tus li koj hais ntawv
Cov neeg hlub tiag li peb cov no
Tseem tshuav thiab ho ib lub hau tshuaj
Txhob muab hais puas rau ib tsum mog

Pom dua txiv neej los lawm ntau tus
Thaum xav ntxias kuv ces hais li ko
Yog tsis hlub tiag txhob tuaj ntxias dag
Tsam ces ntuj npam tsis muaj taw rov

Lub ncauj yeej hais raws lub siab xav
Hlub lawm hlub tiag yog tseem tau saj
Haj yam hlub tshaj tsis muaj hnub dag
Yuav kiag mus ua poj niam thiaj tag

Ua txuj cog lus thov ntuj thov teb
Yuav hlub ntev ntev tsawg tiam los hlub
Txog thaum yus paub hlub tag txhua tus
Tsuas ua kom yus puas koob puas npe

Poj niam kuj muaj cov tsis hlub tiag
Dag ntxias txiv neej kom hlub kawg siab
Dhuav hlub hos tso mus khawm tus tshiab
Rau txiv neej ntsia tshuav tuag sawv ntsug

— Music —

Pom dua txiv neej los lawm ntau tus
Thaum xav ntxias kuv ces hais li ko
Yog tsis hlub tiag txhob tuaj ntxias dag
Tsam ces ntuj npam tsis muaj taw rov

Lub ncauj yeej hais raws lub siab xav
Hlub lawm hlub tiag yog tseem tau saj
Haj yam hlub tshaj tsis muaj hnub dag
Yuav kiag mus ua poj niam thiaj tag