Koj hais tias Txoj kev hlub thiab txoj kev nco
Nyob rau tiam no muab tag rau kuv xwb
Nws loj thiab dav npaum li tus dej hiav txwv
Los yeej tsis pub nws mus rau leej twg”

Txoj kev hlub uas kuv tau muab rau koj
Nco ntsoov khaws cia kom tag ib txhis
Tsis txhob pub nws poob mus rau luag
Lub kua muag thiaj li yuav tsis poob nrog

Cag hnub no koj ho tso kuv nyob
Koj seev yuj yeeg rau wb txoj qub lw
Tig mus ntsia rau qhov twg los tsi pom koj
Mob lub siab lub plawv npaum li kub nyhiab

Tsis yog kuv tso koj mus tsis muaj nuj nqis
Vim yog tias wb daim ntawv nyiaj keeb puaj txwv
Nws ya yuj yees pem ntuj los tsis sib txig
Wb thiaj tsis sib tau li lus hais tseg

Yog ntxov paub tias koj yeej tsis hlub kuv tiag
Cag tsis ntxov qhia es wb txhob sib hlub
Cia wb ua nkauj muam thiab nraug nus xwb
Ntshe yuav zoo dua wb ua nkauj ua nraug

Ntshe koj kuv wb txoj hmoo tsis sib raug
Kuv thiaj tau tso koj nyob ib leeg xwb
Kua muag ntws poob rau wb tej qub lw
Thiaj mob siab mob ntsws npaum li kub nyhiab

Ntshe yog thaum koj kuv wb tau ua txhaum
Tiam no luag thiaj tuaj txeeb koj mus lawm
Es thiaj li caum tsis cuag wb tus npau suav
Kuv quaj hu npaum twg koj thiaj tsis rov

Hnub no kuv yeej tsis xav tso koj cia
Los yeej yuav tau ua ib siab tso mus
Vim tias wb tsis nco nqa daim ntawv txij nkawm
Thiaj coj tsis tau wb los nyob ua ke