Lis Koob Xyooj:
Nkauj hmoob xiengkhouang tus no puas tau muaj tug
Cas yuav ntxim hlub tag npaum li na koj
Lub cev yiag txias sab phlu dawb tau mos mos
Pom tag kuv nyiam nyiam koj xav nrog koj nyob ua kev

Paj Zaub Thoj:
Nkauj xiengkhouang tus no tsis tau muaj tug
Tsis muaj dua kev hlub li os nraug hmoob kev deb
Ntshe koj lam hais ncauj qab zib nplaig qab ntsev
Lam hais lo lus zes nkauj hmoob xiengkhouan kom tuag siab

Lis Koob Xyooj:
Hais qhia qhov tseeb tsawg tsawg leej thiaj zoo li koj
Koj zoo tag nrho lo lus ce nqaij lub siab
Yog lam tau mus yog kuv niam tus nyab kiag
Ntshe niam yauv zoo zoo siab hais tias tub txawj xaiv kawg

Paj Zaub Thoj:
Hais qhia qhov tseeb nkauj hmoob yeej nyiam nyiam koj
Thaum thawj zaug pom yeej faiv hlo siab rau koj lawm
Tia sis ntshais tsam niam tau nyab tsis raws siab ntshaw
Yuav tu tu niam lub plawv vim tsis sawv niam qhov xav cia

Lis Koob Xyooj:
Nkauj hmoob xiengkhouang muaj siab lawm tsis txhob txhawj
Yeej hlub yeej ntshaw pom koj lawm thiaj thib ib

Paj Zaub Thoj:
Nraug hmoob kev deb tsis hlub tiag txhob lam sim
Tsam nkauj hmoob tau kev chim lub neej tsis mus tsis los

[ Lis Koob Xyooj & Paj Zaub Thoj]
Nkauj hmoob Xiengkhouang
Nraug Hmoob kev deb zoo siab
Tau los sib nyiam sib hlub txij sij hawm no
Cog lus yuav hlub nkauj hmoob Xiengkhouang tag nrho

Yuav tsis pub nraug kev deb nyob
Ntshaus ntsho ib vib nas this