yug ua ib zaug neeg
yam uas kuv zoo lub siab
yog tau koj ua poj niam
yog tau koj raws kuv siab
koj yog tus kuv nyiam
koj yog tus kuv hlub
tshaj neeg txhua txhia tus
uas kuv tau ntsib dhau los

yug los ua neeg nyob
zoo siab qhov kuv tau koj
koj yog tus neeg siab loj
koj yog tus neeg siab zoo
xaiv tag txhua lub zos
xaiv tag txhua lub nroog
koj ib leeg thiaj zoo
muaj hmoo kuv thiaj tau koj

sib tau los ua ib khub
sib hlub thiab sib sib pab
sib zam ua zoo sib hais
lub neej txawm yuav txom nyem
los wb mam sib pab khwv
tsuav yog sib hlub xwb
txhua yam yeej tsis dhau
ntawm wb lub siab xav tau

muab koj lub siab
los ntxiv rau kuv lub siab
muab koj lub zog
los ntxiv rau kuv lub zog
wb mam sib pab khwv
wb mam sib pab mus
yeej yuav muaj ib hnub
wb lub neej zoo xws luag

— Music —

sib tau los ua ib khub
sib hlub thiab sib sib pab
sib zam ua zoo sib hais
lub neej txawm yuav txom nyem
los wb mam sib pab khwv
tsuav yog sib hlub xwb
txhua yam yeej tsis dhau
ntawm wb lub siab xav tau

muab koj ob sab tes
los ntxiv kuv ob sab tes
muab koj lub tswv yim
los ntxiv kuv lub tswv yim
wb mam sib pab khwv
wb mam sib pab mus
yeej yuav muaj ib hnub
wb lub neej zoo xws luag